الخرافات و الحقائق حول مساج الوجه، و طرق تنفيذه

مع ان مساج الوجه هو وسيلة علاجية موجودة من ألاف السنين في مختلف الحضارات و القارات، الموضوع اشتهر جداً الفترة اللي فاتت و ناس كتير رجعتله تاني. هل فعلاُ ممكن يأثر علي روتينك و يضاعف تأثير أي منتج بتستخدمه؟

فوائد مساج الوجه

  • مساج الوجه مثبت انه بيحسن و بيحفز الدورة الدموية في البشرة و ده بيخليها صحية و أكتر شباب عن طريق توصيل الأكسجين و التغذية اللازمة للبشرة عشان تتجدد و تفضل صحية.

  • بيساعد علي توزيع المنتجات بشكل متساوي علي البشرة فبيخليها تدي نتائج أحسن.

  • بيساعد في امتصاص المكونات بشكل أفضل داخل البشرة و ده كمان بيخليه يعزز تأثيرها.

  • بيساعد علي الاسترخاء بتخصيص وقت لنفسك تحس فيه بالهدوء و تهتم فيه بنفسك.

خرافات حول مساج الوجه

يساعد علي ابراز ملامح الوجه و تغييرها

مفيش أي نوع مساج او منتج ممكن يغير ملامح الوجه و تركيب العظام بشكل دائم الا لو عملت عملية تجميل.

يساعد في علاج التجاعيد

التجاعيد دائمة. طالما ظهرت هتفضل موجودة. ممكن تقلل مظهرها باستخدام منتجات التجميل او تملأها باستخدام الفيلرز و البوتوكس ولكن مفيش مساج يقدر يرجع الزمن و يشيل التجاعيد نهائياً.

يساعد علي التخلص من الحبوب و البثور

الحبوب بتظهر لأسباب كتيرة و بتتعالج علي حسب نوعها و سبب تكوينها و لكن المساج مش هيساعد في علاجها او التخلص منها! بالعكس، اذا تم تدليك الوجه بعنف او الضغط علي الحبوب ممكن يساعد في انتشار العدوي في مناطق أكتر في البشرة.


أزاي تدلك وجهك؟ اتفرج علي الفيديو ده!

ممكن تدلك وجهك باستخدام اصابعك. مع الممارسة هيكون شئ بسيط جداً. كمان ممكن تستخدم ادوات تدليك الوجه زي الجوا شا و مدلكات الوجه المصنوعة من الاحجار الكريمة و غيرها. دلك وجهك ثلاثة مرات اسبوعياً عشان تحس بفرق ملحوظ.

احرص انك تستخدم زيت/سيروم مناسب لطبيعة بشرتك و نوعها قبل تدليكها لتجنب الاحتكاك خلال المساج اللي ممكن يؤذي البشرة.


زيت الوجه الليلي من نوت بوتانيكالز هيكون اختيار ممتاز و ده لأنه يحتوي علي احماض اوميجا 3 و 6 و فيتامين ه والعديد من مضادات الاكسدة اللازمة في:

  • تحفيز انتاج الكولاجين اللازم لتجدد خلايا البشرة

  • تحسين ليونة الجلد

  • اصلاح البشرة التالفة

  • ضبط انتاج الزيوت الطبيعية للبشرة

  • حبس الترطيب داخل بشرتك وحمايتها طوال الليل

جربت تعمل مساج لوجهك قبل كدا؟ شاركنا تجربتك في التعليقات!

مشاهدتان (٢)٠ تعليق