الهالات السوداء و كيفية التخلص منها

الهالات السوداء هي مشكلة بنعاني منها كلنا، سواء بسبب السهر علي المذاكره او بسبب ضغط الشغل أو عدم النوم و النوم غير المستقر. اختيارات الحياة غير الصحية ممكن تسبب الهالات السوداء؛ بس تفتكروا ان هم دول الأسباب الوحيدة لظهور الهالات السوداء؟ اكيد لا...


التصبغات

التصبغات ممكن يكون سببها وراثي أو بسبب أن الجلد بيفرز صبغة الميلانين أكثر من الطبيعي في الجلد و بالتالي بتظهر الهالات السوداء.


تمدد الأوعية الدموية

قلة النوم و قضاء وقت طويل أمام شاشة التليفزيون أو الموبايل كل يوم، بالاضافة الي التدخين، بيحفز الأوعية الدموية في انها تتمدد عن الطبيعي و ده بيخلي الدم يتراكم فيها ويبان على هيئه هالات سوداء.


ترقق الجلد في منطقه تحت العين

كل ما نكبر في السن جلدنا بيقلل من إنتاج الكولاجين؛ فبالتالى الجلد الموجود في منطقة تحت العين بيكون رفيع جدا عن الطبيعي للدرجة اللي بتخلي الأوعية الدموية الموجودة تحت الجلد ظاهرة علي شكل هالات سوداء.


قلة الترطيب

زي اي منطقة في الجلد، كمان تحت العين بيحتاج ترطيب مستمر لانه بيتكون من 50% من المياه!. قلة الترطيب ليها دور كبيرفي ظهور الغمقان في المنطقة المحيطة بالعين.


بعض الامراض والادوية

بعض الامراض زي امراض الغدة الدرقية و بعض قطرات العين اللي تعالج ضغط العين ممكن تسبب الهالات السوداء..


ازاي أمنعها؟

مافيش طريقة سهلة وبسيطة نعالج بيها الهالات السوداء في يوم أو اتنين، و لكن نقدر ناخذ اختيارات حياة صحية تمشي معانا فترة طويلة زي الإقلاع عن التدخين وزيادة الترطيب والنوم بشكل صحي لفترة كافية من 7 الي 9 ساعات يومياً.

الانتظام علي العادات الايجابية دي مش بس هيخلي العين شكلها صاحي، وهيقلل من فرص ظهور الهالات سوداء، لكنه هيخلي بشرتك شكلها صحي اكثرو هيحميكي من ظهور التجاعيد في سن مبكر، بالاضافة لأنه هيساعد الجهاز الهضمي أنه يشتغل بكفاءة احسن.

ترطيب الجلد مهم بالضبط زي النوم لفترة كافية، شرب من 7 إلى 8 اكواب مياه يومياً بيساعد الجلد أنه يفضل صحي و خالي من التجاعيد، كمان وضع منتجات فيها هيالورونيك اسيد على منطقة تحت العين هيعمل فرق ملحوظ.

خلي بالك ان لو سبب وجود الهالات هو رفع سُمك الجلد الموجود في منطقة تحت العين أو السن او بسبب وراثي، فغالبا هتحتاج متابعة مع دكتور تجميل، ولكن البعض ممكن يتجه للحل السريع زي حقن فيلر هيالورونيك اسيد تحت العين عشان يملي المنطقة دي و يغطي الاوعيه الدمويه اللي كانت ظاهرة، والبعض بيفضل استخدام كريمات ومنتجات موضعية للتفتيح، والبعض الاخر بيختار الطريق السهل عن طريق تغطية الهالات بالمكياج.

المنتج المثالي

كريم تفتيح تحت العين من نوت بوتانيكالز بتركيبته المركزة اللي بتحتوي على أكثر من 90% مواد طبيعية زي الكركم والعرقسوس المعروفين بقدرتهم على التفتيح، بالاضافه الى الكافيين اللي بيحفز الدورة الدموية، و الهيالورونيك اسيد اللي بيساعد على الترطيب العميق، فهو يعتبر المنتج المثالي اللي بيجمع كل المكونات اللي بتساعد الهالات السوداء على انها تكون أقل وضوحا.

كريم تفتيح تحت العين من نوت بوتانيكالز مش بس منتج بيعالج الهالات السوداء بعد مدة من استخدامه، و لكنه بيدي احساس فوري بالتفتيح بمجرد استخدامه و ده بيرجع لأن لونه الأصفر الموجود بسبب احتوائه على كمية عالية من الكركمين، بيلغي اللون الغامق للهالات السوداء و بيساعد على إخفائها.


الكريم ممكن يستخدم خلال النهار تحت المكياج او قبل النوم و هو تركيبة مركزة، فخلي بالك انك تستخدم كمية قليلة على العينين.







مشاهدة واحدة (١)٠ تعليق

أحدث منشورات

عرض الكل