حمض الهيالورونيك: فيلر البشرة الطبيعي

سمعت قبل كده عن الهيالورونيك اسيد؟ هي ماده طبيعيه 100% موجوده في العظام والغضاريف والشفايف والجلد. 50% من محتوى الجسم من الهيالورونيك اسيد موجود في الجلد.

هو ماده تمتص الماء بعمق و تقدر تشيل مياه لحجم الف مره قدر حجمها! وده اللي بيدي الجلد المظهر الصحي للجلد والترطيب اللازم. الهيالورونيك اسيد هو سكر محب للمياه و هو المصدر الاساسي لترطيب الجلد بحيث انه يرتبط

مع جزيئات الكولاجين الطبيعي الموجود في الجلد ويربطه بالمياه وده اللي بيخلي الجلد مظهره شاب وصحي.

الهيالورونيك اسيد موجود باحجام مختلفه تعتمد على حجم الجزيئات كل حجم الجزيئي له وظيفته الخاصه به. كلما صغر حجم الجزيئات كلمات تغلغل اكثر داخل الجلد ودا بيدي الجلد ترطيب لمده اطول. وكلما كبر حجم الجزيء بيكون طبقه رقيقه على الجلد بتمنع تبخر المياه من داخل الجلد.


للاسف زي الكولاجين، الهيالورونيك اسيد بيقل مخزونه الطبيعي في الجلد كل ما نكبر.

علشان كدا بنكون محتاجين ندخل الهيالورونيك اسيد جلدنا من مصادر خارجيه زي الكريمات ومنتجات العنايه بالبشره عشان نحافظ علي ترطيب الجلد.


وبما ان الهيالورونيك اسيد موجود جوه جسمنا بشكل طبيعي فهو مناسب لجميع انواع البشره ولكل حالات البشره وهو مثالي للبشره الحساسه والبشره المعرضه لتكوين الحبوب لأنه مرطب للجلد بدون أي مواد تسد المسامات.

المفروض تفكر تدخل الهيالورونيك اسيد جوه الروتين اليومي للعنايه للبشره من بعد سن ال 23.

لما تيجي تستخدم الهيالورونيك مش دائما الاكثر بيكون احسن لان بعد نسبه معينه الهيالورونيك بيبدا يمتص الماء من الجلد و يسبب جفاف البشرة بشده على شان كذا نوت بوتانيكالز بتنصحك تستخدم المنتجات المحتويه على نسبه متوسطة من الهيالورونيك اسيد.


مش معنى ان الهيالورونيك بيحبس الترطيب داخل البشره ان كدا الترطيب مستواه بقي متوازن! لازم البشرة نفسها تكون صحيه علشان تمنع تبخر الترطيب من البشره.

افضل مكونات يمكن استخدامها مع الهيالورونيك هم النياسيناميد -فيتامين ب٣- والسيراميد اللي بيصلحوا البشرة و بيساعدوا علي حبس الترطيب داخل البشرة.

احرص دائما انك تخلي منتج او اكثر من من الروتين اليومي للعنايه بالبشره يحتوي على حمض الهيالورونيك او الصوديوم هيالورونات. ممكن تلاقي الهيالورونيك اسيد اللي تحتاجه بشكل يومي في المنتجات الاتيه:


غسول الوجه

غسول الوجه ممكن يكون سبب كبير في ترطيب البشره لو اخترته بشكل مضبوط. ابعد عن غسول الوجه اللي يحتوي على

الصابون او السالفات. اختار غسول لطيف على الوجه بحمض الهيالورونيك علشان يشد الترطيب جوا البشرة.

التونر

استخدام التونر بعد غسول الوجه لما يكون يحتوي على الهيالورونيك يساعد على زياده الترطيب في البشره بشكل اكثر وده بيخلي وضع الكريمات المرطبة بعده لها تأثير أكبر.

السيرم

تحتوي على كميه مركزه من الهيالورونيك قد تصل ل٣%. خلي بالك من المنتجات اللي بتحتوي علي كمية عالية من الهيالورونيك انك متحطش اكتر من احتياجك اليومي منها.

كريم الوجه

الكريمات من احسن منتجات العنايه بالبشره اللي بتدخل المكونات الفعاله بشكل اسرع واكثر بكتير داخل البشره لذلك الكريمات اللي تحتوي على هيالورونيك اسيد بتوصل بعمق داخل البشره فبتأخر ظهور التجاعيد والخطوط الرفيعه و تساعد علي ترطيب الجلد و دا اللي بيعطي مظهر مشرق للبشرة.

قناع الوجه

يحتوي على سيرم مركز ما بين القناع نفسه وما بين الجلد يسهل امتصاص المواد الفعالة. انك تستخدم قناع الوجه مره في الاسبوع هيفرق جدا في مستوى الترتيب داخل البشرة.


فيلر الهيالورونيك

هل تعرف ان الهيالورونيك اسيد كمان موجود على شكل حقن فيلر بيكون موجود في عيادات التجميل ودا بيساعد على ملأ البشره وتحفيز تصنيع الكولاجين داخلها.

اياً كانت الطريقه اللي هتستخدمها احرص دائما على انك تاخذ الجرعه اليوميه من الهيالورونيك اسيد علشان تحافظ على بشرتك مرطبه وصحيه.


٥ مشاهدات٠ تعليق