ما الفرق بين زيت الوجه و سيروم الوجه؟

كتير بيلخبط ما بين زيت و سيروم الوجه لانهم بيستخدموا بنفس الطريقة و لهم نفس الشكل. علي الرغم من تشابه شكلهم فهم ليهم استخدامات مختلفة تماماً عن بعض و مينفعش يتبدلوا ببعض.

سيروم الوجه

منتج خفيف مائي، الحجم الجزيئي لمكوناته بيكون صغير جدا و ده بيخليه يتغلغل بعمق داخل البشرة عشان يقوم بدوره. عادة بيحتوي علي كمية مركزة من مادة معينة زي النياسيناميد او الهيالورونيك اسيد او فيتامين ج علي سبيل المثال عشان يفتح او يرطب او يوحد لون البشرة و هكذا. و ده اللي يخلينا ممكن نعتبره مكمل غذائي للبشرة بعنصر معين البشرة ممكن تكون محتاجاه بكمية مركزة.

سيروم الوجه بيستخدم قبل استخدام الكريم المرطب و بعد الغسول و التونر. استخدام السيروم و اضافته لروتين العناية بالبشرة هي خطوة مهمة جدا لما تكون عايز تعالج مشكلة معينة في البشرة زي قلة الترطيب او البقع الداكنة.

السيروم له اشكال كتير زي جل سائل او لوشن خفيف او حتي سائل في كثافة المياه. اختار السيروم المناسب لنوع و مشاكل بشرتك عشان تحصل علي اعلي استفادة.

زيت الوجه

علي الرغم من ان بعض الناس واخدين فكرة غير صحيحة ان زيوت الوجه دايما ثقيلة علي البشرة لكنه بالتأكيد أثقل من سيروم الوجه. زي ما اسمها بيوضح فهي بتتكون من مجموعة من الزيوت و مستخلصات زيتية للنباتات اللي بتكون حجم جزيئاتها اكبر نسبيا من السيروم و ده بيخليه يدخل اول طبقات من الجلد او يفضل علي السطح عشان يغذي البشرة و يصلحها و ده بيخليها شكلها صحي و عرضه لمشاكل أقل.

زيت الوجه بيستخدم كأخر خطوة في الروتين بعد الكريم المرطب. لامتصاص احسن، اعمل به مساج لوجهك و رقبتك لمدة ٣٠ ثانية علي الأقل.

بعض البلوجرز بدأوا تريند باستخدام زيت الوجه قبل استخدام الميكاب عشان يسهل اكتر من دمج مستحضرات التجميل علي الوجه.

هل تحتاج لاستخدام السيروم و زيت الوجه في روتين العناية بالبشرة؟

علي الرغم من ان السيروم و زيت الوجه مش خطوات اساسية في الروتين و لكن اضافتهم بيحسن كتير من النتايج اللي ممكن تحصل عليها لو عندك مشكلة معينة بتحاول تعالجها او بشرتك تالفة.

فكر كويس في المكونات اللي تصلح لنوع بشرتك و مشكلتها و افتكر تعمل اختبار الحساسية قبل استخدام اي منتج.

زيت الوجه الليلي من نوت بوتانيكالز

زيت الوجه الليلي يحتوي علي احماض اوميجا 3 و 6 و فيتامين ه ومضادات الاكسدة اللازمة لتجدد البشرة و تحسين ليونة الجلد و اصلاح البشرة التالفة عن طريق زيادة تصنيع الكولاجين و الايلاستين الأساسين لتجديد خلايا البشرة والحفاظ علي ليونتها و تنظيم افراز زيوت البشرة الطبيعية و ده اللي بيخليه ممتاز للبشرة المعرضة للحبوب ده غير انه بيكون طبقة رقيقة علي البشرة تعمل كحاجز لمنع فقدان الترطيب و لحماية البشرة من عوامل التلف الخارجية و غني بمضادات الالتهاب اللي بتساعد في تهدئة التهابات البشرة الملتهبة و احمرارها و ده بيخليه اختيار ممتاز للبشرة الحساسة.

جربته ولا لسه!


مشاهدتان (٢)٠ تعليق