٣ اسرار لازم تعرفيهم عن بشرتك

عاوزة تحافظي علي جمال و نعومة بشرتك؟ نوت بوتانيكالز بتقدملك ٣ اسرار هيغيروا بشرتك للأبد!

gif


١. الطريقة الصحيحة لتنضيف البشرة

اغسلي بشرتك بانتظام باستخدام غسول لطيف علي البشرة و مناسب لنوع بشرتك عشان يساعدك تتخلصي من الزيوت الزائدة و الشوائب و الأوساخ من غير ما يزيل زيوت البشرة الطبيعية او يتسبب في جفاف أو تلف البشرة.

اغسلي وشك مرتين يوميًا بمياه فاتره و متنسيش تستخدمي المرطب بعد تنضيف البشرة.


٢. تأثير التوتر و الضغط النفسي علي البشرة

لاحظتي قبل كده ان حالة بشرتك بتسوء في الأوقات اللي بتتعرضي فيها لتوتر أو لضغط نفسي؟ الضغط اللي بنتعرضله في حياتنا اليومية بيسبب تغيير في كيمياء الجسم و في افرازات الهرمونات و ده بدوره بيزود من حساسية و مشاكل البشرة. علي سبيل المثال، التوتر و الضغط النفسي ممكن يسببوا ظهور حبوب او يكونوا سبب في زيادة مرض الصدفية و الوردية و الاكزيما.

عشان تستمتعي ببشرة صحية و شابة نوت بوتانيكالز بتنصحك تخصصي جزء من يومك للترفيه عن نفسك، و ممارسة الرياضة، و العناية ببشرة بشكل أكبر أثناء التعرض لفترات ضغط.


gif


٣. تأثير النظام الغذائي علي البشرة

الاكل اللي داخل جسمنا ليه تأثير قوي و مباشر علي بشرتنا. بعض الأطعمة بتضر بشرتنا و البعض الاخر بيزود من صحة و نضارة البشرة.

لو عاوزة تحسني من صحة بشرتك، ننصحك باتباع نظام غذائي صحي و مليء بالخضروات و الحبوب و الفواكة الطازة و تجنب الأكل الحار و الكافيين و السكريات و منتجات الألبان و الأطعمة الغنية بالدهون.


gif


لو عاوزة تعرفي نصائح أكتر تخص البشرة اضغطي هنا.

١٦ مشاهدة٠ تعليق

أحدث منشورات

عرض الكل