٥ أخطاء شائعة في روتين العناية بالبشرة تعمل علي زيادة الحبوب

ظهور حبوب الوجه هو من أكتر الأشياء المزعجة لأي شخص. و ده لأن كل نوع من الحبوب بيحتاج لعناية خاصة و منتجات و مكونات محددة محتاج تضيفها لروتين العناية بالبشرة الخاص بك. و لكن في دائما ثوابت موجودة في أي روتين ممكن تحسن أو تسوء من حالة بشرتك و أنتشار الحبوب فيها.

اليوم هنتكلم عن أكتر ٥ أخطاء شائعة في روتين العناية بالبشرة اللي بتساعد علي انتشار الحبوب في وقت قليل.


غسل الوجه

مع أن غسل الوجه ممكن يظهر علي انه خطوة سهلة جداً و مش محتاجة مجهود و لكن بتساهم بدور كبير جدا في الحد من انتشار الحبوب أو زيادة انتشارها.

Model using Morning Star Hyaluronic Gel Cleanser

عدم الاهتمام بغسل الوجه كفاية يؤدي الي انتشار البكتيريا علي البشرة و انسداد المسام و بالتالي حبوب أكتر.

و علي الجانب الأخر، غسل الوجه أكتر من اللازم يتسبب في جفاف البشرة و تهيّجها.

أنسب معدل لغسل البشرة هو مرتين يومياً عشان تحافظ علي توازن معدل حموضة البشرة و تفضل مترطبة.

استخدم غسول للوجه لطيف علي البشرة خالي من الصابون و العطور.

جربت تستخدم غسول الوجه بالهيالورونيك؟. اشتريه من هنا!


مقشرات الوجه

أزالة الجلد الميت هي من الخطوات الرئيسية للحصول علي بشرة صحية و متوازنة، و لكن الأهم هو أختيار الطريقة الصحيحة لأزالة الجلد الميت.

Physical Scrub

استخدام المقشرات الفيزيائية -الميكانيكية- ممكن يسبب تلف البشرة بشدة! و ده لأنها بتعمل جروح صغيرة داخل البشرة و ممكن تتسبب في جرح الحبوب الموجودة و انتشار البكتيريا علي البشرة، اللي بدوره بيتسبب في ظهور حبوب أكتر.

استخدم مقشرات لطيفة علي البشرة للتخلص من الجلد الميت بطريقة صحيحة بدون تلف البشرة.


فكّر قبل اللمس

ضع منتجات العناية بالبشرة المفضلة لديك بدون ازعاج الحبوب بالضغط المستمرعليها. الضغط علي الحبوب و تفريغها علي سطح الجلد يساعد علي انتشار البكتيريا في طبقات الجلد المختلفة و بالتالي زيادة الحبوب و تدهور حالتها. قبل لمس بشرتك فكر في كل حاجة مسكتها أو لمستها طول اليوم. تقديم البكتيريا دي لبشرتك الملتهبة ممكن يسبب تدهور حالة الحبوب و زيادة عددها.


النظام الغذائي

High Glycemic Index Food

روتينك بيبدأ من جوا لبره. زي ما بناخد وقت لأختيار غسول الوجه الملائم لبشرتنا أو مرطب البشرة المفضّل، لازم نهتم باللي بنقدمه لجسمنا من الداخل.


ابتعد تماماً عن المأكولات اللي بتعلي نسبة السكر في الدم بشكل مرتفع - أكتر من ٦٥-٧٠- زي الحلويات و المأكولات اللي بتحتوي علي كاربوهيدرات بشكل عالي.

ده مش معناه انك تحرم نفسك منها تماماً و لكن حاول تقل منها قدر المستطاع.


حدد المشكلة و منبعها

حبوب الوجه ممكن تظهر لأسباب كتير و مختلفة. ممكن تكون نتيجة لحب الشباب و ممكن تكون نتيجة هرمونات أو نتيجة للحساسية و تهيج الوجه.

لو عايز تتخلص من الحبوب في أسرع وقت، بننصحك بمعرفة سبب و نوع الحبوب الأول لأن كل نوع له طريقة علاج و بروتوكول مختلف. لو حسيت انك مش عارف تحدد المشكلة أو ان الحبوب بتنتشر، بننصحك تزور طبيب الجلدية المختص لمعرفة المشكلة و علاجها.

١٢ مشاهدة٠ تعليق

أحدث منشورات

عرض الكل