٥ نصائح أساسية للعناية بالبشرة

استخدم واقي الشمس طوال أيام السنة

لو ممكن نختارأهم منتج عناية بالبشرة لا يمكن الاستغناء عنه هنختار طبعاً واقي الشمس. ضرر التعرض لأشعة الشمس المباشرة مش بس بيتمثل في حروق الشمس أو الاسمرار ولكن كمان ممكن يسبب التجاعيد و التصبغات و جفاف البشرة و ظهور علامات السن علي البشرة بشكل أسرع!

اتأكد انك بتستخدم واقي شمس واسع المدي عشان يحمي وشك من اشعة الشمس UVA و UVB. استخدام واقي الشمس مش بس مقتصر علي الصيف! لازم يستخدم في كل الفصول و تحرص انك تعيد استخدامه كل ثلاث ساعات.


الأكثر مش دايماً أحسن

في فرق كبير بين اللي وشك فعلاً محتاجه و اللي انت عايز تستخدمه عشان طالع ترند! استثمر وقت أكتر في معرفة وشك محتاج ايه و المشكلة اللي عندك سببها الرئيسي ايه عشان تعرف تختار المكون المناسب لحل مشكلتك لأن تراكم المنتجات علي وجهك ممكن يسببلك مشاكل أكتر.


اختار المكونات الفعالة بحرص

لازم قبل ما تستخدم منتجات عناية بالبشرة مختلفة مع بعض انك تتأكد ان كل مكوناتهم الفعالة مش متعارضة مع بعض او ممكن تبطل تأثير مكون منهم او حتي تعطي تأثير انها تتلف البشرة!

بعض المكونات زي النياسيناميد يتحتاج معدل حموضة معين عشان تشتغل بكفاءة فهو مثلا بيدي التأثير المطلوب في درجة حموضة متعادلة او قلوية و لكن لو استخدمت معاه منتج معدل الحمضية بتاعه مايل للحموضة هيتحول للنياسين اللي ممكن يسبب التهابات البشرة.


متجيش جنب الحبوب و البثور!

مع ان شكلهم بيكون مزعج و ممكن تحس ان في وقتها وشك بدأ يكون اهدي و شكله احسن، إلا ان الضغط علي الحبوب و تفريغها ممكن يؤدي لأنتشار العدوي في الوجه كله لو كانت فيها بكتيريا. الأفضل انك تستخدم غسول ينشفها و كريم الحبوب الموضعي و تسيبهم يقوموا بشغلهم عشان تشيل الحبوب بشكل فعال من غير ما تتسبب فس تكوين آثار لها او التهابات.


رتب روتين العناية بالبشرة لفايدة اكبر

ترتيبك للروتين والمنتجات اللي بتستخدمها بشكل صحيح ممكن يغير تأثير المنتجات بشكل خرافي! المنتجات الأساسية اللي لا غني عنها في اي روتين مهنا كان نوع بشرتك هم غسول الوجه و الكريم المرطب و كريمات تحت العين المرطبة.

شاركنا في التعليقات ايه هي نصائح العناية بالبشرة اللي منقدرش تستغني عنها.

مشاهدة واحدة (١)٠ تعليق

أحدث منشورات

عرض الكل