إزاي تعمل زيت الجسم اللامع في البيت في خطوتين فقط!

الصيف أخيرًا بدأ و ده معناه ان جاء وقت البحر و الشاطئ و أننا نكون متألقين أكتر! و مفيش طريقة تخلي شكل جسمنا لامع و صحي بطريقة سهلة و سريعة أكثر من زيت الجسم اللامع.

النهاردة هنوريكم إزاي ممكن تعملوه في البيت بخطوتين بس و بأستخدام جزء صغير من منتجين فقط.

المكونات

  • زيت الوجه الجاف

  • البرونزر أو الهيلايتر المفضل ليك

  • عبوة معقمة (سبراي أو اي شكل بتحبه)

الخطوات

  • باسخدام معلقة صغيرة، خد كمية مناسبة من الهايلايتر او البرونزر اللي تختاره

  • ضع ١٠-١٥ مل من زيت الوجه الليلي في العبوة بعد تعقيمها بالكحول و تركها لتجف.

  • ضع الهيلايتر أو البرونزر داخل العبوة بكميات صغيرة و رجّها كويس و جرّب لحد ما توصل لللون و الدرجة المناسبة

  • بس كدا!

ليه الزيت ده أحسن بكتير من اللي ممكن تشتريه؟

  • ممكن تستخدمه كهيلايتر أو برونزر سائل تحت المايكاب بتاعك لأنه معمول من زيت للوجه.

  • هيغذي بشرتك بعمق و يحبس الترطيب جواها بجانب انه هيخلي شكلها لامع عشان تكون صحية من الداخل و الخارج.

  • هتختار اللون و الدرجة المفضلة ليك و اللي انت واثق انها بتليق عليك.

  • بيمتص بسرعة و بيدوم لفترة طويلة.

استخدام زيت الوجه الليلي اللي بيحتوي علي احماض اوميجا 3 و 6 و فيتامين ه والعديد من مضادات الاكسدة اللازمة لتجدد البشرة و تحسن ليونة الجلد و اصلاح البشرة التالفة هيساعدك كمان علي:

  • زيادة تصنيع الكولاجين و الايلاستين اللازمان لتجديد خلايا البشرة والحفاظ علي ليونتها.

  • تنظيم افراز زيوت البشرة.

  • تكوين طبقة رقيقة علي البشرة تعمل كحاجز لمنع فقدان الترطيب و لحماية البشرة من عوامل التلف الخارجية

  • و إصلاح البشرة التالفة.

لو عجبتكم المقالة قولولنا في التعليقات عايزين نعمل إيه المرة الجاية و متنسوش تشاركونا صورة أو فيديو من الزيت اللامع اللي عملتوه بنفسكم علي الهاشتاج ده #DIYwithNUT.


٦ مشاهدات٠ تعليق